Butwal Today

दाङमा रास्वपाका कार्यकर्ताले जलाए एमालेको झण्डा, रास्वपा भन्छ: घुसपैठ भयो

८ फाल्गुन २०८२, शुक्रबार
अ
अ+
अ-

बुटवल । दाङमा राष्ट्रिय स्वतन्त्र पार्टी (रास्वपा)का कार्यकर्ताले नेकपा (एमाले)को झण्डा जलाएका छन् । शुक्रबार आयोजना हुने चुनावीसभाका लागि आउँदै गरेका पार्टी सभापति रवि लामिछानेको पर्खाइमा रहेका रास्वपाका कार्यकर्ताले बिहीबार साँझ एमालेको चुनाव चिह्न (सूर्य) जलाएका हुन् ।

उनीहरूले एमाले अध्यक्ष केपी शर्मा ओलीविरुद्ध नाराबाजी गर्दै झण्डा जलाएका हुन् । झण्डा जलाइरहँदा उनीहरूले ‘केपी चोर देश छोड’को नारा लगाएको भिडियोमा देखिन्छ ।

रास्वपा कार्यकर्ताले आफ्नो पार्टीको झण्डा जलाएकोमा एमाले महासचिव शंकर पोखरेलले अराजकता र उदण्डता कुनै नयाँपन नभएको बताएका छन् ।

सामाजिक सञ्जालमा महासचिव पोखरेलले झण्डा जलाएर आस्थामा चोट पुर्‍याउनेलाई जनताले चिन्नुपर्ने उल्लेख गरेका छ्न् ।

पोखरेलको भनाइ छ, ‘अराजकता र उदण्डता कुनै नयाँपन होइनन्, ती अपराध हुन् । झण्डा जलाएर अरूको आस्थामा चोट पुर्‍याउनेहरू सम्मानका हकदार हुन सक्दैनन् । यस्ता तत्वहरूलाई जनताले निर्वाचनमार्फत अस्वीकार गर्नेछन् ।’

बिहीबार राति सभापति रवि लामिछानेको पर्खाइमा रहेका रास्वपाका कार्यकर्ता र समर्थकले एमालेको सूर्य चिन्ह अंकित झण्डा जलाएका थिए । रास्वपाले भने घुसपैठ भएको जिकिर गरेको छ ।

यद्यपि, रास्वपाले घुसपैठ भएको दाबी गरेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

प्रतिनिधिसभा सदस्य निर्वाचन: देशभरका ६ हजार ७४३ वडामा मतदाता शिक्षा जारी

रुपन्देही २ मा एमाले उम्मेदवार विष्णु पौडेलले सार्वजनिक गरे चुनावी प्रतिवद्धता

निर्वाचन खर्च पारदर्शितामा सुस्तता: अधिकांश उम्मेदवार अझै बैंक खाताबाहिर 

निर्वाचन १३ दिन बाँकी, मतदाता शिक्षासम्बन्धी टिकटक बनाउनुस्, ५० हजार जित्नुस्

प्रमुख राजनीतिक दलको घोषणापत्रः ऊर्जा क्षेत्र विशेष प्राथमिकतामा

झण्डा जलाउनेमाथि कारबाही नभए रास्वपाविरुद्ध प्रतिवादमा उत्रिने एमाले लडाकु दस्ताको चेतावनी

पाल्पा क्षेत्र नम्बर–१: एमालेलाई मत विभाजनको भय

विश्वदीपको घरदैलो, बदलिदै प्रचारशैली