खोज

बर्दघाट, ३ साउन । एसीसी इमर्जिङ्ग कपमा नेपालले युएइ (ए) लाइ ३ विकेटले पराजित गरेको छ । युएइ ले दिएको १ सय ५८ रनको लक्ष्य २३ ओभरमा पुरा गर्दै नेपालले जित हासिल गरेको हो ।

नेपालको जितमा कुशल भूर्तेल नायक बनेका छन । भूर्तेलले बलिङ्ग र ब्याटिङ्ग दुबैमा उत्कृष्ट प्रर्दशन गरे । ओपनिङ्ग ब्याटिङ्ग गर्न मैदानमा उत्रिएका उनले ४२ बलमा ७१ रनको योगदान गरे यस्तै बलिङ्गतर्फ १० ओभरमा ४० रन खर्चदै ६ विकेट समेत लिन सफल रहे । नेपालको लागि देव खनाल र सन्दिप जोराले समान २४–२४ रन जोडे । ओपनर ब्याटर अर्जुन साउद र पवन सर्राफले खाता नै खोल्न सकेनन भने गुल्सन झा ११ र कप्तान रोहित पौडेल ९ रन बनाउँदै पवेलियन फर्के । कुशल मल्ल २ र प्रतिश जि सी ८ रनमा नटआउट रहे ।

युएइ का फराजुद्दिनले ५ नेपाली खेलाडीलाई पवेलियनको बाटो देखाएका थिए । जवादुल्लाहले २ विकेट लिए ।

यसअघि पहिले ब्याटिङ्ग गरेको युएइले लवप्रित सिँहले ५२ रनको अर्धसतकिय पारी सँगै ४४ ओभरमा सबै विकेट गुमाएर १ सय ५७ रनको लक्ष्य नेपाल सामू प्रस्तुत गरेको थियो । युएइका अन्य खेलाडीको प्रदर्शन भने फितलो रह्यो ।

नेपालका लागि मौसम ढकालले २, कुशल मल्ल र पवन सर्राफले समान १–१ विकेट लिए ।

युएइ विरुद्धको खेल आफ्नो पक्षमा पारेपनि नेपाल प्रतियोगिताको दौडबाट बाहिरीइसकेको छ । समुह वि मा रहेको नेपाल समुहमा तेश्रो हुँदै बाहिरिएको हो । समुह वि बाट भारत र पाकिस्तान दोश्रो चरण प्रवेश गरेका छन ।