खोज

बुटवल,  जेठ

नेपाली सेनाका बारेमा आधारभुत ज्ञान दिने उदेश्यका लुम्बिनी प्रदेशका पत्रकारहरुलाई लक्षित गरि रक्षा सम्वाददाता अभिमुखिकरण तालिम शुरु भएको छ। श्री मध्यपश्चिम पृतना हेडक्वाटरको आयोजनामा ३ दिने अभिमुखिकरण कार्यक्रम बुटवलमा शुरु भएको हो। कार्यक्रममा जनसम्पर्क तथा सुचना निर्देशनालयका सहायक रथी कृष्ण प्रसाद भण्डारीले सेना-समुदाय सहकार्यको अवधारणा पुरानो भएको बताए।

जनताको संगठित शक्ति सेना भएको दाबी गर्दै उनले निर्देशनालय स्थापनासंगै जनतामाझ सेना सम्बन्धका कार्यक्रम बढ्दै गएको बताए । सिपाही पाक्षिक पत्रिका प्रकाशन, रेडियो नेपाल, टेलिभिजन कार्यक्रमहरु उत्पादन गर्दै संचारका धेरै कामहरु सेनाबाट हुँदै आएको उनले बताए। सुरक्षाको विषय वृहत बन्दै गएको दाबि गर्दै उनले सेना-समुदाय सहकार्यको अवधारणा सुरक्षामा आएको बताए। कार्यक्रममा श्री नं २२ बाहिनीका बाहिनीपति सहायकरथि ललित बहादुर कुवरले सेना र सुरक्षाका आधारभुत र प्राविधिक ज्ञान दिन तालिम फलदायी हुने बताए।

कार्यक्रमलाई निरन्तरता दिने गरि दोस्रो पटक आयोजना गरिएको उनले बताए। तालिममा रक्षा मन्त्रालय तथा राष्ट्रिय सुरक्षा नीतिको विषयमा रक्षा मन्त्रालयका उपसचिव फणीन्द्र पौडेलले सहजिकरण गरेका थिए। यसैगरि राष्ट्रिय सुचना आयोग र सुचनाको हक, प्रेस काउन्सिल नेपालको भुमिका तथा पत्रकार आचार संहिता, नेपाली सेनाको संरचना तथा नेपाली सेनाको विद्यमान हवाई क्षमता विषयमा विपद ब्यवस्थापन निर्देशनालयका सेनानी राहुल अधिकारी, मध्यपश्चिम पृतना हेडक्वाटरका प्रमुख सेनानी राजेन्द्र बोगटी, प्रमुख सेनानी अनिल उपाध्याय, सहायक रथि माधव थापा, पत्रकार देव बहादुर पचभैया, टोपलाल अर्यालले सहजिकरण गरेका थिए। तीन दिने लुम्बिनी प्रदेशस्तरिय रक्षा सम्बाददाता अभिमुखिकरण तालिममा १२ जिल्लाका डेढ दर्जन पत्रकारहरु सहभागी छन।