खोज

बुटवल, जेठ – संघीय संसदमा राष्ट्रपति रामचन्द्र पौडेलले आगामी बर्षको लागि प्रस्तुत गरेका नीति तथा कार्यक्रममा लुम्बिनी प्रदेशका योजनामा बर्षौ देखिका ‘कर्मकाण्डी’ योजना अगाडी सारिएको छ । बुटवल उपमहानगरपालिका १० मा बषौं देखि बन्द रहेको बुटवल धागो कारखाना सञ्चालन गर्ने योजना प्रत्येक बर्ष जसोका सरकारले नीति तथा कार्यक्रम र बजेटमा उल्लेख गर्दै आएका छन् । तर बन्द अवस्थामा रहेको यो धागो कारखाना अहिलेसम्म कुनै पनि सरकारले सञ्चालनको लागि पहल गर्न सकेको छैनन ।
यो बर्षको नीति तथा कार्यक्रममा पनि राष्ट्रपति पौडेलले बुटवल धागो उद्योग सञ्चालनमा ल्याउने नीति लिएको बताए । राष्ट्रपति रामचन्द्र पौडेलले शुक्रबार संसदमा प्रस्तुत गरेको सरकारको नीति तथा कार्यक्रममा उद्योग सञ्चालनमा ल्याउने उल्लेख छ । बन्द उद्योगको व्यवस्थापना सम्बन्धको रुपमा उच्चस्तरीय अध्ययन समिति गठन समेत गर्ने बताइएको छ । यसलाई सरकारको मजाकको रुपमा टिप्पणी गरिएको छ ।
नीति तथा कार्यक्रमको बुँदा नम्बर ५६ लामो समयदेखि बन्द तथा रुग्ण अवस्थामा रहेका उद्योगहरू सञ्चालन, खारेजी एकीकरण वा आवश्यक व्यवस्थापनको विषयमा अध्ययन गर्न एक उच्चस्तरीय अध्ययन समिति गठन गरिने उल्लेख छ । सोही बुँदामा पुनः सञ्चालनको सम्भावना रहेका हेटौंडा कपडा उद्योग, गोरखकाली रबर उद्योग र बुटवल धागो कारखानालाई सञ्चालनमा ल्याइने उल्लेख गरिएको छ ।
निजी क्षेत्रसँगको सहकार्य र साझेदारीमा औद्योगिक क्षेत्र विशेष आर्थिक क्षेत्र र औद्योगिक ग्रामको पूर्वाधार निर्माण तथा सञ्चालन गर्ने व्यवस्था मिलाईने नीति तथा कार्यक्रममा उल्लेख छ ।तर बुटवलमा सञ्चान हुन नसकेको मोतिपुर औद्योगीक क्षेत्र, बाकेको नैवास्ता औद्योगीक क्षेत्र निर्माणमा भैरहेको ढिलाई सुस्तीबारेमा नीति कार्यक्रमा बोेलेको छैन ।
उद्योगका लागि आवश्यक पर्ने पहुँच मार्ग र प्रसारण लाइन लगानीकर्ता स्वयंले निर्माण गरेमा निर्माण लागतको निश्चि रकम शोधभर्ना दिईने नीति तथा कार्यक्रमा उल्लेख गरेपनि जग्गा विवादका कारण स्थापना ुहन सकेका औद्योगीक क्षेत्रका विषयसमा समस्या समाधान गर्ने तर्फ नीति तथा कार्यक्रममा कुनै शब्द खर्चीका छैनन ।
जारी नीति तथा कार्यक्रमको बुँदा नम्बर ६२ मा आन्तरिक तथा अन्तराष्ट्रिय विमानस्थलको एवम टर्मिनल भवनको स्तरउन्नती गर्दै हवाई सेवा नियमित गरिने उल्लेख छ । तर अन्तराष्ट्रिय उडान विहिन भएको भैरहवाको गौतम बुद्ध अन्तराष्ट्रिय विमानस्थललाई नियमित सञ्चालन गर्नको लागि आवश्यक कदम बारेमा नीति कार्यक्रममा बोलीएको छैन । सो कार्यक्रममा थप नयाँ विमानस्थल बनाउने उल्लेख छ । ‘पुर्ण क्षमतामा निर्माण भएका विमानस्थल सञ्चालन गरिने छ’ नीति तथा कार्यक्रममा उल्ल्ेख छ । यस्तै नीति कार्यक्रमको बुँदा नम्बर ७३ मा रुपन्देहीको लुम्बिनीमा रहेको लुम्बिनीलाई धार्मिक, अध्यात्मिक एव्ब सास्कृतिक तथा विशिष्टकृत अध्यायन केन्द्रको रुपमा विकास, संरक्षण र प्रर्वद्धन गरिने उल्लेख छ । सोही संगै पशुपती क्षेत्रलाई पनि सोही बुदामा समेटिएको छ ।
नीति तथा कार्यक्रममा पुर्व पश्चिम राजमार्ग स्तरउन्नती, रेल मार्गको संभाव्यता अध्यायन संगै निर्माण लगायतका कुराहरु पनि समेटिएका छन् ।