खोज

बुटवल, २ बैशाख ।

सिद्धार्थ बिजनेश ग्रुप अफ हस्पिटालिटिले होटल तथा रेष्टुरेन्ट ब्यवसायी संघका नयाँ पदाधिकारी तथा सदस्यहरुलाई बधाई तथा शुभकामना कार्यक्रम गरेको छ । शनिबार एक कार्यक्रमका बीच संघको २२ औ साधारण सभा तथा ११ औ अधिवेशनबाट निर्वाचित पदाधिकारी तथा सदस्यहरु अध्यक्ष लेखनाथ भण्डारी, बरिष्ठ उपाध्यक्ष माधव खनाल पर्यटन उपा रोमाकान्त पाण्डे, प्रथम उपाध्यक्ष टेक प्रसाद पराजुली, द्वितीय उपाध्यक्ष प्रेम प्रसाद भट्टराई, महासचिव अर्जुन थापा, कोषाध्यक्ष राम बहादुर न्यौपाने, सचिव थमन बहादुर भण्डारी, सहसचिव अर्जुन पोखरेल, सहकोषाध्यक्ष माधव ढकाल, सदस्य एक बहादुर गाहामगर, केशव राज पाण्डे, एकादेव पाण्डे, कमला पाण्डे, दामोदर पौडेल, धनकुमारी शर्मा, नारायण प्रसाद पौडेल, बाबुराम अर्याल, सुन्दर कुमार श्रेष्ठ, मुरारी पाण्डे, सीता ढकाललाई सिद्धार्थ बिजनेश ग्रुप अफ हस्पिटालिटिका क्षेत्रिय प्रबन्धक महेन्द्र न्यौपाने, सिद्धार्थ कटेज रेष्टुरेन्टका शाखा प्रमुख केशवराज बश्यालले टिकामाला लगाएर बधाई तथा शुभकामना कार्यक्रम गरेको हो ।

कार्यक्रममा सिद्धार्थ बिजनेश ग्रुप अफ हस्पिटालिटीका क्षेत्रिय प्रबन्धक महेन्द्र न्यौपानेले कैलालीको टिकापुरबाट शुरु गरेर निरन्तरता र कठिन मेहनतको प्रतिफल सेवा उद्योगलाई अहिलेको अवस्थामा ल्याउन सफल भएको बताए । ब्यावसायिक हकहित र संस्थागत विकास गर्ने उद्देश्य बोकेको संस्थामा दलीय राजनीति हाबी हुँदा ब्यवसायीहरु समस्यामा परेको दुःखेसो गरे । हाम्रो संस्कृति र संस्कार जुन विश्वमा नै उत्कृष्ट मानिन्छ त्यो सेवा उद्योगमार्फत प्रवद्र्धन गर्ने गरी नीतिगत योजनामा जोड दिनुपर्ने सुझाव दिए । होटल तथा रेष्टुरेन्ट ब्यवसायको सेवालाई ब्यवस्थित गर्दै गुणस्तर बढाउने तर्फ ध्यान दिने गरी प्रविधिको प्रयोगलाई समेत ध्यान दिनुपर्ने उनले बताए ।

कार्यक्रममा संघका अध्यक्ष लेखनाथ भण्डारीले वर्तमान समयमा होटल तथा रेष्टुरेन्ट ब्यवसायमा धेरै चुनौतीहरु आईपरेको बताए । कोभिड १९ को संक्रमण, आर्थिक कठिनाई, प्रदेश राजधानी सर्ने जस्ता कारणहरु अहिले यस क्षेत्रका ब्यवसायीहरु समस्यामा परेको उनले दाबी गरे । यस क्षेत्रका पर्यटकीय क्षेत्रहरुको प्रवद्र्घनमा सरकारलाई सहयोग गर्दै आएको सेवा उद्योगप्रति सरकारको स्पष्ट नीति आउनुपर्ने उनले बताए ।

कार्यक्रममा सिद्धार्थ कटेज रेष्टुरेन्टका शाखा प्रमुख केशवराज बश्यालले ब्यवसायीहरुको हकहितलाई ध्यानमा राखेर सहकार्य गर्दै अघि बढ्नुपर्ने सुझाव दिए । ‘ब्यवसायीहरुको अभिभावक संस्थाबाट यसको आवश्यक पहल हुनेमा आशावादी छौ’–उनले भने । लुम्बिनी प्रदेश पर्यटनसंग जोडेर आर्थिक विकासमा लैजानुपर्ने भन्दै सकारात्मक प्रतिष्पर्धाका साथ ब्यवसायीबीच सहकार्य अहिलेको आवश्यकता रहेको बताए । कार्यक्रममा कटेजका सेल्स एण्ड मार्केटिङ अफिसर सन्जु ज्ञवालीले सेवा उद्योगमा दक्ष जनशक्ति, गुणस्तरीय सेवालाई जोड दिएर अघि बढ्नुपर्ने बताईन् । सिद्धार्थ कटेजको देशका ३० स्थानमा शाखा रहेको छ भने १ हजार ६ सय बढी कर्मचारीहरु रोजगार पाएका छन् ।