खोज

छाडा चौपायाको व्यवस्थापनको नाममा सिद्धार्थनगर नगरपालिका भैरहवाले जुन निन्दनीय काम गरेको छ त्यसले आम नेपाली जनतालाई लज्जा बोध गराएको छ । पछिल्लोसमय पशु अधिकारको विषयमा गंभीरढंगले वकालत भैरहँदा कुनैपनि पशु वा जनावरलाई यातना, प्रताडना र दुःख दिनु अपराध ठहर्छ । त्यसमाथि राष्ट्रिय जनावर गाईमाथि गरिएको अमानवीय यातनाको दृष्यले सिंगो रुपन्देहीवासीको शीर निहुरिएको छ ।

छाडा चौपाया व्यवस्थापन सराहनीय छ तर त्यसका नाममा ट्रकमा बांधेर घिसार्नु अमानवीयताको पराकाष्ठा हो । यस्तो कदमको जति नै भ्रत्र्सना गरेपनि कम हुन्छ । जनताबाट अनुमोदित भएर आएका जनप्रतिनिधिको नेतृत्वको समयमा पशुमाथि यति क्रुर यातनाको सायद कल्पना पनि गर्न सकिदैन । तर, लु १ ग ३६२ नम्बरको ट्रकको पछाडी बाँधेर साँढेलाई घिसार्दै गरेको तस्वीर सामाजिक संजाल फेसबुकमा सार्वजनिक भएसँगै सिद्धार्थनगर नगरपालिका आलोचितमात्र भएको छैन, उसको निन्दनीय कदमको सर्वत्र घोर भत्र्सना भएको छ । सिद्धार्थनगर नगरपालिकाले पत्रकार सम्मेलन गरेर त्यो मनसाय नभएको स्पष्टीकरण दिएको छ तर त्यतिले मात्र पत्याउने अवस्था छैन । यो निन्दनीय कदमको कडा शब्दमा विरोध गर्नु जरुरी छ ।

पशुमाथिको त्यो बर्बर यातना कुनैपनि मानवका लागि सैह्य हुन सक्दैन । भैरहवामा कसरी यस प्रकारको घटना भयो ? त्यसको छानवीन हुनुपर्दछ । दोषीमाथि कारवाही हुनुपर्दछ । सिद्धार्थनगर नगरपालिकाले झारा टार्ने हिसावले फितलो बक्तब्य दिएर यति ठूलो अमानवीय घटनाबाट अलग हुन सक्दैन । यस घटनामा संलग्नमाथि कडा कारवाही होस् । भैरहवाका जनता यो घटनाबाट लज्जित वनेका छन । पशुमाथिको बर्बर यातना अमानवीयताको चरम उत्कर्ष हो । सायद यो भन्दा माथिल्लो यातना अरु हुनै सक्दैन । मानवीयताको हिसावले कुनैपनि पशुमाथि बर्बर यातना अपराध हो । यो अपराधमा सिद्धार्थनगर नगरपालिका कसरी संलग्न भयो, उसले गंभीर समीक्षा गर्नु जरुरी छ । आम जनतासमक्ष गल्ती भएकोमा क्षमायाचना गर्नुपर्दछ ।

भैरहवाका स्थानीय जनता नगरपालिकाको उक्त कदमबाट आन्दोलित भएका छन । भैरहवाका स्थानीय युवाले नगरपालिका कार्यालय अगाडी नाराबाजी समेत गरेर घटनाको कडाशब्दमा विरोध जनाएका छन । जिउँदो पशुलाई रगताम्य गराउँदै बाँधेर ट्रकले तानेर लैजानु घोर अमानवीय कदम हो । भैरहवावासीले यो घटनाको सत्यतथ्य नगर प्रमुखले जवाफ दिनुपर्ने माग राखेका छन । भोली यस प्रकारका घटना दोहोरिदैन भन्ने कुराको ग्यारेन्टी नगरपालिकाले दिनुपर्दछ । सिद्धार्थनगर नगरपालिकाका प्रमुख इश्तियाक अहमद खानले दोषी कर्मचारीलाई कारवाही गर्ने आश्वासन दिएका छन । उनको आश्वासन छिटो कार्यान्वयनमा आएको जनता सुन्न चाहन्छन ।
राष्ट्रिय जनावरमाथि यति धेरै अपमान र हुर्मत लिने काम कहिँकतैबाट भएको भएपनि त्यो माफ गर्नै सकिदैन् । अर्को कुरा सिद्धार्थनगर नगरपालिकाले यो घटनामा दोषीमाथि कारवाही गर्न सक्छ कि सक्दैन ? त्यो महत्वपूर्ण कुरा हो । गाई नेपालको राष्ट्रिय जनावर भएकोले गाईको संरक्षण गर्नु आम नेपालीको कर्तब्य हो । चाहे त्यो जुनकुनै धर्म मान्ने सम्प्रदाय नै किन नहुन । गाईमाथिको अघोर यातना कुनैपनि मानेमा स्वीकार गर्न सकिदैन । राष्ट्रिय जनावरमाथिको यो अपमान र यातनाको कडा शब्दमा निन्दा भएको छ । प्रसंग अहिले गाईको आएको छ, यो मात्र होइन, कुनैपनि पशुमाथिको यातनालाई उचित ठह¥याउन सकिदैन् । हिन्दू धर्म अनुसार गौमाताको रुपमा पूजनीय हाम्रो राष्ट्रिय जनावर गाईमाथिको ज्यादती र हिंस्रक घटनाका विषयमा नेपाल सरकारको ध्यान जाओस् ।

घटनामा संलग्नमाथि कारवाही भएमात्र भोली यस प्रकारका अरु घटनाले निरन्तरता पाउँदैन भन्ने विश्वसनीय आधार तयार हुन्छ । तसर्थ यो विषयमा संघीय सरकारको समेत ध्यानाकर्षण होस् । दोषी जो कोही भएपनि कारवाहीको भागिदार वन्नुपर्दछ ।