खोज

बुटवल, पुस । तिलोत्तमा नगरपालिका र नापी कार्यालय भैरहवाको सहयोगमा तिलोत्तमा नगरपालीका वडा नम्बर १५ र १७ का १ सय १० घर घुरीलाई लालपुर्जा वितरण गरिएको छ ।
विहिबार एक कार्यक्रमको आयोजना नगरप्रमुख रामकृष्ण खाँण र उप प्रमुख जागेश्वर देवी चौधरी पुर्जा बितरण गरेका हुन ।
७० बर्ष देखि भोगचलन गर्दै आएका भुमिहिनहरुले हाल सम्म पनि जग्गाधनी पुर्जा पाएका थिएन्न ।
लालपुर्जा वितरण कार्यक्रममा बोल्दै नगरप्रमुख रामकृष्ण खाणँले जग्गाधनी पुर्जा वितरण गर्नु खुसीको कुरा भएको बताए । एक पुस्ता बितिसक्दा समेत लालपुर्जा नपाएका भूमिहिनहरुको लागि खुुसीको कुरा भएको बताए ।
जग्गाआफनो भएपनि लाजपुर्जा नहँुदा राज्यले दिने धेरै सुबिधाबाट बञ्चितहुन परीरहेको अवस्थमा लालपुर्जा पाएपछी हरेक क्षेत्रमा अव सहज हुने नगरप्रमुख खाँणले बताए ।
व्यवसाय गर्न ऋण लिन, विदेश अध्यन गर्न जाने विद्यार्थीहरुका लागि लालपुर्जाकाले अव सहज हुने उनको तर्क थियो ।
नगर प्रमुख खाणले नगरका अन्य वडाहरुमा समेत यस्तो धेरै समस्या रहेको भन्दै अव तिसमस्याहरु विस्तारै समाधान गर्दै जाने प्रतिवद्धता समेत जनाए ।
नगरपालिकाका उप–प्रमुख जागेश्वरदेवी चौधरीले लालपुर्जा वितरणले स्थानीयमा खुसी छाएको बताईन । नापी कार्यालय भैरहवाका प्रमुख सुग्रीब यादवले तिलोत्तमा १५ नम्बर वडामा ३५ घरधुरी र १७ नम्बर वडाका ७५ घरधुरीलाई गाउँ ब्लक अन्र्तगतको लालपुर्जा बितरण गरीएको बताएका थिए ।

रुपन्देहीमा गाउँ ब्लक सख्या १८५० रहेकोमा ६ सय ब्लककाम सकिएको र लालपुर्जा बितरण समेत भैसकेको उनको भनाई छ । जग्गा धनीपुर्जा दिन बाँकी १३ सय ५० गाउँ ब्लकमा बिभीन्न चरणमा काम भैरहेको बताउँदै उनले लालपूर्जा नभएको क्षेत्रमा प्रक्रिया पुरा गरी वितरण गरिने बताए ।
नापी कार्यालय भैरहवाले २ बर्ष भित्र भुमिहिनलाई लालपुर्जा बितरण सकिने गरी काम भैरहेको कार्यालय प्रमुख यादवको भनाई छ ।