खोज

चन्द्रौटा(कपिलवस्तु), ६ पुस ।

छन्द (कालेबाबु) नारायणी आँखा अस्पतालले मायादेवी गाउँपालिका कपिलवस्तुमा आँखा स्वास्थ्य शिक्षा र उज्यालो अभियानमा जनप्रतिनिधिको भूमिका विषयक अन्तत्र्रिmया कार्यक्रम गरेको छ । नेपाल नेत्रज्योति संघ, आँखा स्वास्थ्य कार्यक्रम राप्ती तथा बहादुरगन्ज अन्तर्गत सञ्चालित अस्पतालले एन.ए.बि.पि. नर्वेको आर्थिक सहयोगमा बुधबार अन्तत्र्रिmया गरेको हो ।

कार्यक्रमलाई सम्बोधन गर्दै गाउँपालिका अध्यक्ष वलिउद्दिन मुसलमानले आफ्नो गाउँपालिकामा रहेको अन्धोपनलाई आँखा अस्पतालसँग सहकार्य गरेर न्यूनीकरण गर्ने प्रतिबद्धता व्यक्त गरे । नेपाल नेत्रज्योति संघ, आँखा स्वास्थ्य कार्यक्रम राप्ती तथा बहादुरगन्जका प्रमुख प्रशासक शम्शेर थापाले नेपाल नेत्रज्योति संघ तथा दातृ निकायको बारेमा संक्षिप्त जानकारी दिए । उनले मायादेवी गाउँपालिकाको वडा स्तरमा भएको अन्धोपनको बारेमा सहभागीहरुलाई प्रष्ट पारे ।

यसैबीच कार्यक्रममा बोल्दै मायादेवी गाउँपालिका वडा नम्बर ३ का वडा अध्यक्ष शैलेन्द्र कुमार यादवले वडा कार्यालय र आँखा अस्पतालको सहयोगमा केही दिन पहिले फुलिका स्वास्थ्य चौकीमा निःशुल्क आँखा शिबिरको आयोजना गरी २ सय ७ जनाको निःशुल्क शल्यक्रिया गरिएको स्मरण गर्दै आगामी दिनहरुमा पनि अस्पतालसँग सहकार्य गरेर अगाडि बढ्ने प्रतिबद्धता समेत व्यक्त गरे ।

यसैबीच वडा नम्बर १ का वडा अध्यक्ष मुहम्मद इसाहक मुसलमान,वडा नम्बर ६ का वडा अध्यक्ष सन्दिप कुमार चौधरी, ७ का वडा अध्यक्ष जनार्दन प्रसाद चौधरी र ८ का वडा अध्यक्ष मुस्ताक अहमद मुसलमान लगायतले आ–आफ्नो वडामा रहेको अन्धोपन न्यूनीकरणका लागि आफूहरु प्रतिबद्ध रहेको धारणा व्यक्त गरे ।

साथै उनले नेपालको संविधानले ब्यवस्था गरेको मौलिक हक अन्तर्गतको स्वास्थ्यको हक र स्वास्थ्य नीतिले गरेका व्यवस्थाको बारे उल्लेख गरे । नेत्र अधिकृत ओपेन्द्र चन्दले आँखा स्वास्थ्यको बारेमा सहभागीलाई प्रशिक्षण दिए ।

कार्यक्रममा नेपाल नेत्रज्योति संघ, दाङ शाखाका कार्यबाहक सभापति रेशम बहादुर खडकाको अध्यक्षतामा कार्यक्रम भएको थियो भने कार्यक्रमको सहजीकरण प्रशासकीय अधिकृत जसराज बिश्वकर्माले गरेका थिए ।