खोज

वि.सं. २०५७ सालमा सशस्त्र जनयुद्धमा भूमिगत भई पार्टीको केन्द्रीय सदस्यको जिम्मेवारी सम्हालेकी रेखा संसदीय निर्वाचनमा पहिलो पटक दाङ निर्वाचन क्षेत्र नं. २ बाट सत्ता गठबन्धनका तर्फबाट प्रत्यक्ष उम्मेद्वार बनेकी छिन् । २०७२ सालमा समानुपातिक प्रणालीबाट संविधानसभा सदस्य बनेकी शर्माले २०७२ सालमै सामान्य प्रशासनमन्त्रीको जिम्मेवारीसँगै संविधानसभामा नेकपा माओवादी केन्द्रको सचेतक समेत बनेकी थिइन । संसदीय गतिविधि र संविधान निर्माण प्रक्रियामा सक्रिय सांसदका रुपमा परिचित शर्मा यही मंसिर ४ गते हुन गइरहेको निर्वाचनको मतदाता भेटघाटमा व्यस्त छन् । शर्मासँग निर्वाचनको सन्दर्भमा केन्द्रित रहेर गरिएको कुराकानीको सारसंक्षेप ।

तपाइले सांसद भएर पहिलो पाँच वर्ष के गर्नु भयो जसका कारण दोहोरिन चाहानुहुल्छ ?

हामीले पाँच वर्षमा धेरै कानुन बनाउने काम गरेका छौ । जनताका जनजिवीकासंग जोडिएका धेरै विषयमा कानुन बनाएका छौ । ती कानुनलाई कार्यान्वयन गर्दै जनव्यवस्था परिवर्तन गर्नका लागि म दोहोरिन चाहेको हँु । म महिलाको पक्षमा निरन्तर संघर्ष गर्दै आएँ । जसको बाबजुद धेरै कानुन बने । कानुन बनेर मात्र हँुदैन । ब्यवहारमा कार्यान्वयन गर्न आवश्यक छ । म कार्यान्वयमा पहल गर्ने छु ।

के एजेण्डा लिएर मतदाताकहाँ पुग्दै हुनुहुन्छ ?

हाम्रो पहिलो एजेण्डा नै संविधानको रक्षा हो । हामीले लामो राजनीतिक संघर्षपछि प्राप्त गरेको संघीय लोकतान्त्रिक गणतन्त्र खतरामा परेको थियो । मैले चाहेको कुरा अब मुलुकको राजनीतिक आन्दोलनको अन्त्य गर्ने समृद्धिको नयाँ यात्रा तय गर्ने हो । यो राजनीतिक एजेण्डाको विषय हो । यो कुरा सामान्य रुपमा सबै जनताले बुझिसकेका छन् । हाम्रा जनताको जीवनस्तरसँग जोडिएका देख्दा सामान्य तर त्यसको भोगाई र पीडा धेरै त्यस्ता योजना र एजेण्डाहरु छन् । व्यवस्था अनुुरुपको नागरिक जीवनस्तर अझै फेरिन सकेको छैन । अझै बस्ती बस्तीमा खानेपानी, सिचाई, बाटो, नाला, विद्युत, पोल लगायत विकास निर्माणको अभाव छ । ती कुरा देख्दा सामान्य देखिन्छ । तर त्यसको प्रभाव निकै गहिरो र गम्भीर बनिरहेको छ । हामीले गर्न सक्ने काम जो जनताको दैनिकीसँग जोडिएको हो, त्यो काम गर्ने बोलिरहेका छौं । यहाँ किसानको खेतमा सिचाईको लागि पानी छैन, नाला छैन, अन्तर्राष्ट्रिय स्तरको विमानस्थलका कुरा गरिरहेका छौं । भएको विमानस्थलको स्तरोन्नती गर्न सकेका छैनौ अन्तर्राष्ट्रिय स्तरका गफ दिन्छौं । हामीले बुुझेको कुरा के हो भने जनताको दैनिक जनजीविका कसरी सुधार गर्न सकिन्छ त्यो कुरामा प्रधान मानेका छौं ।

निर्वाचनमा तपाइलाई विश्वास गर्नु पर्ने कारण के ?

अब मुलुकको राजनीतिक आन्दोलनको अन्त्य गर्दै समृद्धिको नयाँ यात्रा तय गर्ने हो । हामीले गर्न सक्ने काम जो जनताको दैनिकीसँग जोडिएको हो, त्यो काम गर्ने बोलिरहेका छौं । हामीले बुुझेको कुरा के हो भने जनताको दैनिक जनजीविका कसरी सुधार गर्न सकिन्छ त्यो कुरामा प्रधान मानेका छौं ।

अर्काे कुरा के हो भने जनताले अनुुभुती गर्ने गरी जनताको जीवन स्तर फेरिने गरी काम गर्ने गरेका छौं । पुुरा गर्ने प्रण पनि लिएका छौं । त्यो कुरा हामीले काम गरेर देखाउँछौ । गठबन्धनले सबै उम्मेद्वार जिते हामी काम गर्ने ठाउँमा हुने छौं । यदि कही कतै केही भएमा निरन्तर पहलकर्ताको भूमिकामा जनताको साथमा रहेर काम गर्नेछौं ।