खोज

भैरहवा, ४ कार्तिक । वर्तमान सरकारले उद्योगी व्यवसायी धरासायी हुनेगरी बैंकहरुले डबल डिजीटमा कर्जाको ब्याजदर बृद्धि गरेको तथा बैंकहरुले व्यवसायीलाई धरपकड गरिहको भन्दै सडक आन्दोलनमा उत्रिएका हुन ।
रुपन्देहीमा क्रियाशील ब्यवसायीक संघ संस्थाहरुको सञ्जाल रुपन्देहीले नेपाल राष्ट्र बैँक र जिल्ला प्रशासन कार्यालय रुपन्देहीमा ज्ञापन पत्र बुझाउँदै बैँक तथा वित्तिय संस्थाको ज्यादतिप्रति बिरुद्ध संयुक्त बिरोध पर्दशन गरेका थिए ।
भैरहवाको बुद्ध चोक, नारायण स्थान, आवारोड, बैँक रोडमा प्रदर्शन गर्दै उद्योगि ब्यापारीहरुले राष्ट्र बैँकको नीति खारेज गर, ब्यवसायीक एकता जिन्दावाद, बैँकको ज्यादती बन्द गर, निजी क्षेत्र प्रभावीत हुने निर्देशिका लाद्न पाईँदैन, एकल बिन्दुमा ब्याजदर कायम गर्नुपर्ने लगायतका नारा लगाउँदै आन्दोलित भएका थिए ।
संयुक्त संघर्ष समितिका संयोजक तथा रुपन्देही उद्योग संघका अध्यक्ष माधव प्रसाद पौडेलको हस्ताक्षरित बिज्ञप्तीमा पूजी बिस्तार गरि उद्योग ब्यावसायलाई बचाई राख्न कोसिसरत उद्योगी ब्यावसायीहरु हालै नेपाल राष्ट्र बैँकद्धारा लगा गरिएको चालु पुँजी कर्जा निर्देशिका २०७९ को प्रभावले आन्दोलित बनेका छन् यसको असर स्वदेशी उत्पादन र राष्ट्रिय अर्थतन्त्रमा समेत असर पारेको छ ।
उद्योगि व्यवसायीहरुले गृहमन्त्रीले चाहे समस्या समाधान हुने भएता पनि उनले भोट दिए ब्याजदर घटाईदिनेगरी छलफल चलाउनु गलत भएको समेत बताएका छन् ।
नेपाल उद्योग वाणिज्य संघ लुम्बिनी प्रदेशका अध्यक्ष कृष्णप्रसाद शर्मा,बुटवल उद्योग वाणिज्य संघका अध्यक्ष उज्जवल कसजु, सिद्धार्थ उद्योग वाणिज्य संघका अध्यक्ष भिष्म प्रसाद न्यौपाने, रुपन्देही उद्योग संघका अध्यक्ष माधव प्रसाद पौडेल,रुपन्देही ब्यापार संघका अध्यक्ष कृष्णप्रसाद घिमिरे, तिलोत्तमा उद्योग वाणिज्य संघका अध्यक्ष गुणनीधि भण्डारी, पश्चिम नेपाल बस ब्यावसायी प्रालिका अध्यक्ष दधिराम खरेल, नेपाल घरेलुतथा साना उद्योग महासंघ रुपन्देहीका अध्यक्ष धु्रव धिताल लगायत ५० वटा उद्योगि संस्थाहरुले सरकारको गलत नीतिको बिरोध गर्दै ज्ञापन पत्र बुझाएका थिए ।
नेपाल राष्ट्र बैँककी निर्देशक रञ्जना पण्डितले ज्ञापन पत्र बुझ्दै लगानी गर्दा विचार नपग्दा यस्तो अवस्था आयो घर जग्गामा मात्रै लगानी धेरै भयो त्यसैले यस्तो अबस्था आएको बताउँदै ब्यावसायीका अप्ठ्यारालाई बझेको प्रतिक्रिया दिइन । यहाँहरु अप्ठ्यारोमा पर्नुभयो भने बैँक अप्ठ्यारोमा पर्छ, बैँक अप्ठ्यारोमा पर्नु भनेको राष्ट्रबैँक अप्ठ्यारोमा पर्नु हो । राष्ट्र बैँक अप्ठ्यारोमा पर्नु भनेको देश अप्ठ्यारोमा पर्नु हो । मैले छिटै गर्भनरलाई यो बिज्ञप्ती पठाउँछु उनले भनिन् ।
त्यसै गरि ज्ञापन पत्र बुझ्दै जिल्ला प्रशासन कार्यालय रुपन्देहीका सहायक प्रमुख जिल्ला अधिकारी ध्रुव बहादुर कुवँरले जिल्ला प्रशासन कार्यालय मार्फत अर्थ मन्त्रालयमा पठाउने प्रतिबद्धता ब्यक्त गरे ।